Май Ван Фан

Пераклад Рагнеда МАЛАХОЎСКАГА

Рагнед Малахоўскі

Кветка на гары Іенты

Распусціўшыся на вяршыні гары,

Яна спакойная пад моцнымі вятрамі

І навальнічнымі аблокамі.

Семсот гадоў таму

Імператар Чан Нян Тонг

Стаў будыйскім манахам,

Праходзячы міма,

Схіляў перад ёй галаву.

Ты і я,

Праходзячы міма, схіляем галаву.

Дзеці і ўсе, хто праходзяць міма –

Схіляюць галовы.

Спусціўшыся да падножжа гары,

Мы сустрэлі паломнікаў,

Якія ішлі абапіраючыся

На тонкія бамбукавыя палкі.

Іх позіркі былі скіраваныя ўгору,

Дзе клубіўся дым

Ад спаленых кветак.