БИЗНИНГ УЙИМИЗДА (she'r). Май Ван ФАН. Рус тилидан Мансур ЖУМАЕВ таржималари
Май Ван ФАН
Рус
тилидан Мансур ЖУМАЕВ таржималари
Мансур Жумаев
БИЗНИНГ УЙИМИЗДА
Мавсумий мевалар теряпсан чоғи,
кузга – грейпфрут гулдастаси зеб;
олиб қўйгандирсан тўлиб қучоғинг,
олхўри гулларин баҳор учун деб.
Биз-чи, кўксимизда ҳавонинг набзи,
теран тубсизлик-ла танлаймиз соз жой:
ўриндиққа ўрин ахтарамиз ва
мебелга мос жой.
Дастурхон тузаймиз ғамхўрликдан тус,
далада сабзавот ковларкан пишнаб,
лойчин идишдаги ўлжани туйқус
чаққон балиқчалар тортишар тишлаб.
Севамиз шолининг яшил соқоли
изларидан тилим-тилим йўлларни
ва қадим қудуқлар ва ёш жилғалар
ва тиниқ кўлмаклар, дарё, кўлларни.
Хонага қамалиб ўлтирмай узоқ,
чиққил далаларга, ям-яшил япроқ
балиқдек ўйнаган боққа, балиқлар
япроқдек титраган дарёларга боқ.
То тотиб кўрмакка имкон топилсин
ананасми ёхуд тотлиғ апелсин,
карсиллаб тишланган мевадан, албат,
қўнғир тупроқларга сочилсин шарбат.
Мансур Жумаев 1991
йили туғилган. Ўзбекистон давлат жаҳон тиллари университетининг
халқаро журналистика факультетини тамомлаган. Шеърлари
Ўзбекистон Ёзувчилар уюшмаси томонидан нашрга тайёрланган “Биз Истиқлол
фарзандларимиз” баёзига киритилган.
FROM OUR HOME
You
gather things according to their seasons
a bunch
of grapefruit flowers for autumn
plums
for spring
We are the
pulse of air, deep abyss, breasts of soil
we
choose warm places to set our furniture
uncluttered
places to put our tables and chairs
We drop
our worries at the dinner table
with
chopsticks we pick vegetables from the field afar
the
fish bites on the bait inside our clay pot
We love
the footprints near the rice stubble
deep
wells, streams and rivers, ponds and puddles
Don't
sit in the room too long
go out
into the field, out to the river bank
where
leaves grow green and fish wriggle
Bite on
fresh pineapple or sweet orange
and let
juice drop on brown soil.
(Translated
by Nhat-Lang Le. Edited by
Susan Blanshard)
(Manba:
«Jahon
adabiyoti» jurnali)
«Jahon adabiyoti» jurnali
O‘zbekiston Respublikasining Birinchi Prezidenti Islom Karimov tashabbusi bilan
Vazirlar Mahkamasining 1997 yil 27 fevraldagi qaroriga asosan tashkil etilgan .
O‘zbekiston Qahramoni, adabiyotshunos olim Ozod Sharafiddinov jurnalning
birinchi bosh muharriri sifatida 1997-2005 yillarda faoliyat ko‘rsatgan. “Jahon
adabiyoti” adabiy-badiiy, ijtimoiy-publitsistik jurnal bo‘lib, muassislari:
O‘zbekiston Respublikasi Davlat matbuot qo‘mitasi hamda O‘zbekiston
Respublikasi Ma’naviyat va ma’rifat kengashi hisoblanadi.Jurnal Toshkent
shahrida har oyda 1 marta chop etiladi.