May Van Fan

Rus dilindən çevirən: Afaq ŞIXLI

Redaktorlar: Əkbər QOŞALI, Afaq ŞIXLI

Afaq ŞIXLI, şair-tərcüməçi

Göylərin nəhayətsiz olduğu yer

(Nơi trời rộng)

İsti yay mövsümü bitmək üzrə...

Ağaclar

çağlayan bulaqların yaxınlığındaca susuzluqdan yanır...

Torunu cırmış balıqlar pozar zamanın düzənini.

Sonsuzluğa atlamadan öncə sıxılar insan.

Uca qüllələr

fəzanı zəbt etmiş sanki.

Göy muncuqlarla süslənmiş tac qoy başına, parlasın saçların.

Şimşək, ildırım, fırtına – qorxmaz heç nədən.

Sən də qorxma.

Üzün Ayın görünməyən tərəfi kimidir...

Şirin meyvə kimi,

qızıl rəngli düyü kimi...

Nədənsə düyü buxarına bürünmüş ixtiyar qadın və kişi surətləri kövrəldir

məni..

Buxar canıma hopur,

bir-birinə hörür buludları, hər nəfəsdə bir ümid doğurur.

Soyuq yağış üşüdür sinəmi.

Hər şeyi, ləziz bir yeməyin dadı kimi,

yaddaşıma həkk etmək üçün...

Həqiqət – kəlmələri azad edər, qurtuluş yox!

Özümə əmin olduqca

atəşin ağzındakı damğanı bir o qədər aydın görürəm...

Mənbə : «Gün doğarkən», Bakı, 2022)

Azərbaycan təbiəti şəkillər